難忘的情人節

難忘的情人節

呢個故事係送俾一個我永遠都唔會忘記 0既水泡。。

序幕

Angie：
今年 0既情人節好冷清，雖然見到一雙一對既情侶臉上都掛住幸福 0既笑容，女 0既拿著一大扎鮮玫瑰。。。但係對我 0黎講，真係一種諷刺，因為你。。。我開始討厭情人節。。。我真係好怕想起你個種感覺。。。因為我怕終有一日發覺自己仍然深愛著你。。。

偉：
一年一度既情人節又到，估唔到，今年我竟然要冷清清咁一個人過。唯有一個人一朝早出左門口，係條街度行黎行去。。。唔知點解，行行下會行左返黎舊校。。。一個令我想起妳既地方。。。唔知你仲記唔記得我？仲記唔記得一個二月十四號既故事呢。。。

Angie：
還記得有一睌，自稱 "神祕人" 0既你打電話 0黎問我仲鍾唔鍾意阿文我當時只係覺得我無必要同你講事實，所以我只係答左一句 ~" 關你咩事 " 。你竟然答我 ~"如果你已經唔再鍾意阿文，希望你可以俾個機會我。。。 "你呢句說話 0黎得好突然，我根本連你係邊個都唔知，我點俾機會你呢？

偉：
記得個陣時，身為一個有女朋友既我，竟然對你一見鍾情。但當時既妳根本唔認識我，面對住一個陌生而又喜歡既女仔，為免打草驚蛇，我以神秘人既身份日日打俾妳同妳傾電話，希望能夠了解妳。可惜，呢個神秘人身份好快就俾你揭發左。但係你冇避開我，反而，對我好似越黎越好。。。

Angie：
我終於知道你係邊個啦，不過我亦都知道你有一個女朋友，我自問一直都希望我 0既初戀情人可以一心一意咁對我，所以我諗你唔係我鍾意個種。。。但係同你傾得電話多，竟然對你有小小感覺，不過為 0左避免做笫三者，我一直都冇接受你，又可能我鍾意 0既仍然係阿文。。。

偉：
自從妳知道左我既真正身份之後，妳就對我越黎越好，仲成日係學校望住我。。。究竟妳係鍾意我？定係想利用我黎接近文仔？又或者係。。。實在有太多疑慮。我真係唔肯定你對我既感覺。。。所以我一次又一次地遲疑，始終唔敢親口問妳一句 ~ " 妳願意接受我嗎？ " 。。。而同一時間，我同我女朋友之間開始出現問題。。。

Angie：
我諗我真係仲鍾意阿文，可惜阿文鍾意 0既係阿恩。。。今晚我親眼見到 0既一切，真係令我好失望，而你竟然 0係我最失意 0既時候打 0黎開解我，你一次又一次暗示你鍾意 0既係我， 0係呢個時候，我答 0左一句 ~ " 好 " 。。。

偉：
最後，我女朋友究然因性格不合呢個原因而同我分手。我並冇挽留佢，因為我覺得我地之間少左份感覺，一份只能夠係妳身上搵到既感覺。。我終於可以放心咁去追妳，終於妳係十一月二十八號晚接受左我。。正確Ｄ黎講，係" 第一次 " 接受我。。。

Angie：
之後 0既每一日，你都有 0黎搵我，但係我從來都未試過同你拖手，亦未係人面前認過我係你女朋友，我都唔知點解，可能我介意旁人 0既目光啦，你可能覺得我唔多理你，所以你搵我 0既次數就越 0黎越少，大家似朋友多過情侶。漸漸我發現鍾意你只係幻覺，但係對於一個初試拍拖滋味 0既我，真係唔知點同你講。。。

偉：
雖然妳係接受左我，但實際上，妳並無將我當作妳男朋友咁對待。究竟係唔係我唔夠好？定係妳根本唔鍾意我？。。。我唔敢諗，但係我就越黎越唔敢面對妳。後來，我連係學校見到妳我都唔會叫妳，呢段咁既關係維持到一月十八號就結束。。。而個晚，亦都係我第一次為妳而介手。。。

Angie：
同你終於分 0左手，不過我冇好似預期中 0甘開心，我反而仲有 D 後悔，可能人就係咁，得到 0既永遠都唔識珍惜，失去 0左 0既時候又後悔。。我發覺我都唔係太瞭解我自己，不過我都諗住當發 0左一場夢咁，將自己 o既感情收埋，點知。。。我做唔到，見到你我會好緊張，見唔到你又會好掛住你。。。估唔到，時間過得耐 0左，好多人都知我仲鍾意你但係始終我都唔知你心入面點諗。。。

偉：
分左手之後，我好失落。真係估唔到，原來你鍾意我只係一種幻覺。。。可能妳始終都放唔低文仔啦。。。我嘗試過叫自己討厭妳，憎恨妳，但係我做唔出。。。時間過得好快，轉眼間就過左半個月，但係我對妳既感覺，卻依然好似半個月前咁。。。但我並無打算再次問返你，但係呢個，妳既好朋友竟然話我知你仲好鍾意我，我頓時覺得又悲又喜。。。究竟我應唔應該問返妳？妳又係咪真心呢？。。。

作者： Angie

日期： 1998年03月16日

對「難忘的情人節」有意見或想聯絡作者，電郵至： [email protected]